人工唔高但洗費又十分之高
所以為左儲錢去旅行 / 買野 / WHAT SO EVER 之類
洗錢真係一分一毫都要計清楚
我身邊一個FD講過一句的覺得係最岩: 化妝品係消耗品，護膚品係投資。
所以，晌買化妝品上面，為左慳錢，我有以下幾個原則:
-
盡量唔買專櫃產品
講真，除左成日會拎出街既粉餅同唇膏之外 (因為呢D人地睇到所以作立建立形象我覺得OK)，我好少會買名牌化妝品。其實你隻啡色既眼影/ 粉紅色既胭脂係CHANEL 定DIOR，抑或係SASA 10蚊一盒不知名胭脂，我相信呢個世界係少過1%既人真係可以好肯定咁指出你呢隻EYE SHADOW 係CHANEL
! 最緊要係你化得靚。如果唔靚，我諗你用1000蚊一盒既都冇人會羨慕。只可以講，名牌既化妝品有基本保證，一定唔會差得去邊。但唔代表佢一定會好過開架產品。
-
每款化妝品只要一樣，最多2樣
每個人都係得一塊面一對眼一個咀，所以就算你買10盒EYESHADOW你果日最多咪用到幾隻色。同埋其實有時候你係咪都會懶到查一隻上去就算 XDD 唔好自己厄自己，基本化妝品每樣一個已經OK。你話要應付每日不同既場合喎… 其實，大部分人既生活真係好單調，你冇咩特別既場合嫁咋。大不了咪搵FD借!
-
盡量買多功能 / 一盒多用
假設要BASE + 粉底2支一齊買，不如買一支一次過搞掂既BB CREAM。又快又平。有D脂脂會包埋HIGHLIGHT 同陰影，一次過有3款功效，但一個價錢，就算有時帶出街都好方便。
o BB CREAM (所有底妝一腳踢)
o 胭脂 / HIGHLIGHT / 打底 (一盒入面有齊你想要既COLOR同FUNCTION)
o 遮瑕+粉底 : 而家有好多粉底會有埋CONCELAER ，其實咁樣後而仲好，起碼你兩隻色唔會撞。
-
減少你既化妝步驟
而家科技好先進，會出埋好多妝前用品，好似毛孔修飾霜 / 眼影打底膏 之類。但其實效果唔係你想像中咁好。我試過好多隻唔同既妝前毛孔隱形霜，但其實你買一支好少少既粉底都做到，而且查咁多層落塊面度，對皮膚仲差。
以下幾款我自已覺得係平靚正產品:
底妝: MISSHA超保養BB CREAM / MISSHA 亮妍潤護膚BB CREAM
在BB CREAM岩岩興起之時，MISSHA就已經非常出名。當然而家幾乎所有牌子都至少有1-2款BB CREAM產品。不過論性價比，一定係MISSHA。因為我自己本身痘痘嚴重，所以對遮瑕有一定要求，MISSHA既BB CREAM又薄遮瑕力又高。
眼線: KATE 眼線膠筆 / KATE 眼線筆
開架來講，KATE既眼妝產品算係性價比最高。佢既眼線筆易畫又唔容易暈染。入門必選!
眼影: KATE /
FASIO
好多開架既眼影都好好用，基本上我覺得KATE既眼妝產品都好有保證。不以晌佢幾個唔同系列度簡自己喜歡既就可以。佢地D包網都好ELEGANT同好靚。
睫毛液: MABELLINE LASHIONISTA激長鬈翹美睫液
其實MABELLINE好多隻MASCARA 都好好用，睇你自己喜歡咩效果。因為我自己喜歡長多過密，所以呢隻係可以查20層一直係咁長都唔係有「一達達」。
遮瑕: CANMAKE 遮瑕膏 (BOTH 乾 : $90同濕 $72)
其實CANNMAKE呢個牌子係我其中好喜歡的高CP值產品。90蚊我都覺得有少少貴，我係佢一SET既時侯買。但支乾既我覺得十分好用。遮瑕力好強又好NATURAL。
胭脂: CANMAKE
CHECK GRADUATION
呢個就係我所講一盒有齊胭脂+HIGHLIGH +
陰影既多合一產品。白色HIGHLIGHT，深色既打陰影，其餘既就用來做胭脂。一盒多用，但都係一個價錢。而且帶出街又方便。
總括來講，其實要打造一個又平又有哂所有野既化妝袋一D都唔難。最緊要係晌開架既途徑度試多D!
一齊儲錢做想做既事 :D
