【失敗品系列】我覺得沒有用的「所謂」抗痘去暗瘡系列

以下是ZUZU自己的個人經驗，絕對真實，但不代表所有人的情況一樣，使用前還要好好考慮一下

在我決定寫BLOG時，我就暗暗同自己講: 唔好寫唔好既產品

1: 浪費時間

2: 無用點解我仲要宣傳佢

不過，諗諗下，其實自己都會上網SEARCH一下每件產品既用後感，有時唔好既意見又真係好過讚果D(因為有7成都係廣告文)。於是都係打出來同大家分享下，希望大家參考一下。我會KEEP 住UPDATE !

我既爛面同JACXXXXXLINE果D廣告MODEL冇咩大分別

我終於知道其實佢地真係唔係PS

所以，我本是神農士償百草精神 (其實唔試唔得)

好多暗瘡產品都用過

真心，好用既唔多

TONYMOLY 暗瘡系列(化妝水，LOTION，精華)

差勁度: 10分

真心，呢SET野既存在價值我真係唔知做咩。

果時佢岩岩來到香港SET COUNTER

大家一窩蜂

我湊下熱鬧買左佢地既暗瘡系列

係我身上: 完  全   冇  效

初時見佢唔同大部分既暗瘡產品，有好強烈酒精 / 藥味

佢係完全冇味

覺得幾好

但用左成個月都冇效，仲爆多左幾粒出來

直到3支野用哂，都係冇用

哂GAS

曼秀雷敦藥用抗痘系列 (洗面乳,抗痘潔面慕絲,抗痘筆,粉狀調理乳)
差勁度: 7分

買佢既原因係因為我個BEST FD話用左佢支黃色抗痘筆3日內痘痘即謝
我即刻衝去萬X買 但可能我太頑強，對我就冇咩效果 =[
洗面乳/MOUSSE: 一洗完塊面乾到冇朋友，郁一郁D皮好似會裂咁
粉狀調理乳: 用完D白色粉仲晌塊面一達達，再查之後既LOTION就會出白色屑屑
抗痘筆: 零效果 ON ME
可能MENTHOLATUM係俾年輕學生們油脂過多所以控下油咁
而且佢既野真係唔貴
呢個價錢，亦都唔可以要求太多

KIEHL’S BLUE HERBAL 藍色草本精華系列  

-藍色草本爽膚水

-藍色草本潤膚乳

- 藍色草木暗瘡修護啫喱

差勁度:7.5分

老實講，呢SET野絕對係名過於實。好多人都好推呢SET野醫暗瘡，但我用完真係冇想像中咁好。如果真係要買，反而買佢既金盞花化妝水去改善整體膚質仲好。

藍水:好大陣酒精味，用完之後皮膚有D乾。如果係乾性 / 敏感肌膚既就要小心用。

藍色草本潤膚乳: 佢好難同其他護膚品相容，就算用完藍水再用佢，都會好容易有屑屑出來。

藍色草木暗瘡修護啫喱:用完之後D瘡都冇細粒/謝到囉 .__.

醫學粉刺修護淡印精華: 其實又唔可以話佢唔得既，用完唔可以話冇用既，但唔係好明顯既效用。要連續查AROUND一個月到就可以見到淡左少少。相比起藍色草本精華，呢隻白色既反而OK。

CLINQUE 暗瘡系列(化妝水，LOTION，去暗瘡精華)

差勁度: 7分

呢SET野同KIELHS 差唔多，都係SELL專業醫生效果，但可能真係我已經重病患者，對我都冇咩效果。

舒緩暗瘡潔膚水: 呢枝野既酒精程度同KIEHLS藍水完全有得揮，什至有過之而無不及。我覺得反而咁重既酒精會更刺激皮膚，對暗瘡幫助唔大。

舒緩暗瘡全面修護液:感覺係普通一枝LOTION，亦都唔見對暗瘡有顯著既改善。

全新舒緩暗瘡科研特效啫喱: 呢枝GEL算係我用過咁多暗瘡GEL比較有用既一枝。因為如果用菅岩岩起既痘痘 / 生理痘其實都好快謝，什至會慢慢消除紅腫。不過，如果係嚴重既大毒瘡，就完全冇咩效果。

BODY SHOP 茶樹油系列

差勁度: 7分

好多人一講起暗瘡救星都會RECOMMEND BODY SHOP茶樹油系列，什至佢地自己做廣告都有每6秒賣出一枝既紀錄。我頭1、2次用既時侯係可以對付到暗瘡既，但之後都已經失去左效用。而且佢呢個系列既其他產品亦都係麻麻。

TEA TREE OIL 茶樹油:呢個TEA TREE OIL我聽返好多COMMENT都係岩岩頭幾次用都得，但可以用左幾次之後皮膚都習慣左，所以之後都冇咩用。

茶樹潔面爽膚水:同好多暗瘡用品一樣，酒精味非常重，查完之後臉部亦都係非常乾。可能敏感肌要留意一下。太乾的話其實反而油份分泌增加，生更多暗瘡。

茶樹修護晚霜:當時買係因為SALES姐姐話佢可以幫到你去痘痘印，反而去暗瘡係其次。用左之後暗瘡冇減少到，不過亦唔見痘印有減少。

GARNIER 去痘筆
差勁度: 9分
之前睇女人我最大 (台灣美容節目)介紹呢一枝抗痘筆係目前水楊酸成分多既產品，又係立刻去萬寧買。買完返來...... 嗯，我覺得比曼秀雷敦好D，好似有少少效咁。但係暗瘡又冇立刻謝，分分秒秒碌都冇咩特別......

Nexcare荳痘隱形貼（圓形36貼）
差勁度:5分
呢隻貼其實都幾平，諗住幾十蚊買來試下。佢係有同既，但要睇用晌咩暗瘡同痘痘度。如果係好痛既石頭瘡，呢隻貼真係冇用。不過係普通痘痘 / 就快熟既瘡，佢就可以幫你加快整熟佢。 你用完第2日真係見到個黃色膿頭浮哂出來! 所以我覺得呢個係催熟有用，不過治療就「麻麻地」。

先UPDATE到此，
2015.11.22